Zinedine Zidane ndihet i lumtur me fitoren e ekipit të tij, Real Madridit në udhëtim te Getafe me rezultat 3-0.
Mbretërit fituan pastër në udhëtimin e tyre tek rivali lokal, duke e rikthyer pozitën e parë në tabelë.
Pas ndeshjes, trajneri Zidane u pa i lumtur, duke theksuar përfshirjen e lojtarëve të tij dhe rëndësinë e tre pikëve në këtë takim.
“Është një fushë e vështirë këtu, por ne arritëm të fitojë. E rëndësishme ishte që luftuam për fitoren. Ne morëm një rezultat të mirë. E dinim që do të luanim kundër një ekipi të komplikuar, por ia arritëm”, ka thënë fillimisht Zidane.
“Ne e filluam vitin mirë, pasi që gjithmonë na thonë që filloni keq”.
“Për ne është e rëndësishme të fitojmë pikë sepse është një ligë shumë e komplikuar. Djemtë janë futur nga minuta e parë me një intensitet të madh”.
Francezi gjithashtu pas ndeshjes lavdëroi edhe portierin belg, Thibaut Courtois dhe mesfushori kroat, Luka Modric, për paraqitjen e tyre.
